للذكريات لســــــــان .. ياسيد الذكـــــــــــرى

تطري عليّ ، و اسحب لطاريك مظروف ،،
,, من رفٍ آخـذ منْـه ذكـراك و اعطيـه

و اكتب عليه رموز و ارقام و حـروف ،،
,, بريدك اللـي مـات فالـدرب ساعيـه

واكتب معاه اسمك موضّح و مكشوف ،،
,, ياللـي ملحّقنـي غـلاك المشـاريـه !

يا درة الالهـام فيـك الهِـب كفـوف ،،
,, تصفيـق جمهـور الحفـل قبـل راعيـه

آقول لطيوفك هلا , حـي ذالشـوف ،،
,, و يقولها لـك قلـب ذكـراك تشويـه

وآقف في وجه الحظ . و اعاند ظـروف ،،
,, واحشم عشانك وجه. و آطيّـح وجيـه

هذا و انا كلـي توجّـاد و حسـوف ،،
,, علـى زمـانٍ سِرْقـت احلـى لياليـه

يا غايبٍ سوّى مـع اعـداي معـروف ،،
,, في غيبته . و ازريـت لا اقـول مابيـه !

اقفى في غمضة عين . ممدانـي اشـوف ،،
,, راح و جميـع احشـاي متعلقـه فـيـه

و اليا تركني في المواعيد مكتوف ،،
،، احلف ماعاد اجيه . و اعوّد آجيه

لا واهني منهو عن العشق مصروف ،،
،، ما عاش ليل البرد يحسب ثوانيه

ولا شاف من هول الهوى وجه مخطوف ،،
،، ولا عاش في غربه ولا عاش في تيه

مجبور يا قلـب ٍ مـن البعـد متلـوف ،،
,, مالك سوى ربٍ تناجـي . و اناجيـه :

يخلف علي. لا صارما هـوب مخلـوف ،،
,, زولٍ سكن فـي قلـب و عيـون مغليـه

و انا منيب ف حب من راح مكلوووف ،،
،، بس البلا مكلوف في ضمة ايديـــه

ولا قال ليه ؟ آقول : جب بشتي الصوف ،،
,, و اذا لفحك الشووووق بيقول لك ليه !

مانيب شاكي كسر ورجوله وقوف ،،
،، و لوّه بيتجاهل ونيني ، بيوحيه :

" ونه على فرقاه .. من حرقة الجوف ،،
و ونه اليا ربي كتب لي لقا . فيه ! "
للذكريات لســــــــان .. ياسيد الذكـــــــــــرى 94

كلي أمل بأن تنال إعجابكمــ

مجبور يا قلـب ٍ مـن البعـد متلـوف ،،
,, مالك سوى ربٍ تناجـي . و اناجيـه :
الله الله كلمات في الصميم ذائقه شعريه راقيه ابدعتي الاختيار ابيات جميله بجمال روحك

وصح لسانك ولاهنتي

تحياااااااااااااااااتيــ
ماسنجرزين

^
^
أوآآفقك الرآي ..

مجبور يا قلـب ٍ مـن البعـد متلـوف ،،
,, مالك سوى ربٍ تناجـي . و اناجيـه :

مآ أجمــــــل هالبيت ومـآ أقوآهـ ..
صدق ان الحــب عذآب ..
بس عذآب لا بد منه ..

عــآش احســآسك .. ونبض قلبك ..
أبيــآت ولآ ارووع ..
ومثل ما عودتينــآ دآئمــآ ..
تغنين بأبيــآت على صوت الاحسـآس ..

ننتظــر همســآتك بكل شووق ..

وسلآآآآم يآفآصلين ..